Նորություններ
|
|
|
|
|
| 2019.09.25 |
| Տեղեկատվություն |
|
 |
|
Տեղեկացնում ենք, որ ս.թ. սեպտեմբերի 28-ին տեղի կունենա ՀՀ ԳԱԱ «Գիտության զարգացման հիմնադրամի» կողմից իրականացվող ք. Երևան, Քանաքեռ-Զեյթուն վարչական շրջանի Պ.Սևակի 1/7 հասցեում կառուցվող բազմաբնակարան բնակելի շենքի բնակարանների վիճակահանությունը: Ժամը 10:00-ին մեկնարկելու է երկու սենյականոց բնակարանների վիճակահանությունը, իսկ 14:30՝ երեք և չորս սենյականոց բնակարանների: Վիճակահանությունը տեղի կունենա ՀՀ գիտությունների ազգային ակադեմիայի նախագահության մասնաշենքի երկրորդ հարկի նախագահության նիստերի դահլիճում (կլոր դահլիճ): Խնդրում ենք ներկայանալ կես ժամ շուտ՝ անձը հաստատող փաստաթղթով:
Այն շահառուները, ովքեր չեն կարող մասնակցել վիճակահանությանը, պարտավոր են իրենց փոխարեն լիազորել մեկ այլ անձի: Լիազորագիրը ներկայացնել նախօրոք՝ դրան կցելով անձը հաստատող փաստաթղթի պատճենը, իսկ լիազորված անձը վիճակահանության օրը պետք է ներկայանա իր անձնագրով: Շահառուի կամ լիազորված անձի բացակայությունը դիտվում է շահառուի կողմից բնակարանից հրաժարվելու փաստ:
Տիպային օրինակելի պայմանագրի «Օբյեկտի գինը և վճարման կարգը» 3-րդ կետում հատուկ ուշադրություն դարձնել ա/ ենթակետին, որտեղ նշվում է, որ «Օբյեկտի վիճակահանությունից հետո 3 աշխատանքային օրվա ընթացքում Գնորդը վճարում է Օբյեկտի արժեքի 30 %-ը՝ ------------------- ՀՀ դրամ, որից հետո կնքվում է սույն պայմանագիրը»: Այս կետում կա փոփոխություն. պայմանագիրը նախապես է կնքվում շահառուի հետ:
Շահառուներին առաջարկվելու է երկու տիպի պայմանագիր.
1. Վճարման առաջին տարբերակն ընտրած շահառուների հետ առաջնահերթ կկնքվեն պայմանագրերը և Գնորդի կողմից կկատարվեն փոխանցումները 3 աշխատանքային օրվա ընթացքում՝ պայմանագիրը կնքելու օրվանից սկսած:
2. Վճարման երկրորդ տարբերակն ընտրած շահառուները, ովքեր ունեն վարկեր ձևակերպելու անհրաժեշտություն, նրանց հետ կկնքվի պայմանագիրը և կտրվի 20 աշխատանքային օր՝ պայմանագիրը կնքելու օրվանից սկսած, նախնական 30 %-ի վճարման համար:
Նշված ժամկետներում չվճարելու դեպքում սույն պայմանագիրը չեղյալ է համարվում միակողմանի:
Վիճակահանությունից հետո՝ ս.թ. սեպտեմբերի 30-ին ժամը 9:00-ից մինչև 17:00, կտրվի ժամանակ այն շահառուների համար, ովքեր ցանկություն կունենան փոխանակել իրենց բնակարանը այլ շահառուի հետ: Փոխանակման գործընթացը պաշտոնական դարձնելու համար պետք է մոտենալ ՀՀ ԳԱԱ նախագահության մասնաշենք, 2-րդ հարկ, 46-րդ սենյակ (լրացուցիչ հարցերի դեպքում կարող եք զանգահարել (010)58-36-91 հեռախոսահամարին կամ թողնել հաղորդագրություն amargaryan@sci.am էլ. հասցեին): |
|
|
|
|
|
|
|
